Zindagi ka safar hum kaise byaan kare
Iss dhaukhe bhari duniya par hum kaise vishwas kare
Har din koi na koi yaha dil ko todta
Ek Raaste mein rakhe hua pathar ki terah hame sochta
Hamari bhavnayo ki yaha koi kadr nahi phir bhi
Hum jaise bevkoofo ki iss duniya mein koi kami nahi
Joh koi do meethe bol bolta hum uske ho jaate
Baad mein woh peeth mein chura bhi ghopta ,hum woh bhi seh jaate
Muskil hai yaaron iss duniye mein jeena
Bina gum ke hashi-khushi rehna
Kehne ko toh dosto ki kami nahi hai
Par abhi bhi sacche dost ki chahat bani hui hai
Hum bhi kuch nahi kar paaye bus sochte hee reh gaye
Duniyewaale hum ko peeche chodkar aage ko bad gaye
Abb lagta hai ki zindagi bemani sii ho gayi hai
Kabhi dhoop kabhi chav ki kahani sii ho gayi hai
Zindagi ke mayane abb thodi samajh mein aane lage hai
Saam daam dand bhed ki niti abb hum bhi apnane lage hai
Par apni niyat ko chahakar bhi badal nahi sakte yeh hamari majboori hai
Nek dil aur sehensheelta ki bevkoofi abb bhi hum mein bhari hai
Bus dil mein ek ummeed abhi bhi bandhe hua hai
Ki iss zindagi ko hum badal sakenge yeh sahas thame hua hai
Mann mein ek vishwas hai ki aage ache hee hoga
Jitna bura ho chucka hai abb usse bura aur kya hoga
Isse vichar ko sochkar hum thodi der khush ho jaate hai
Lekin agle hee pal iss duniya ki moh – maaya main phas jaate hai
Lagta hai abb Meri kalam ne jawab de diya hai
Par meri kuch muskilo ko usne aasaan kar diya hai
No comments:
Post a Comment